♥°◊.♥.◊° ♥ فوح العبير ♥ °◊.♥.◊°♥

♥♥ حبوبة ♥♥ احكي لي قصة 

عن جمال خضرة بلادنا وعن نخيلة 

تعالي اقعدي في البنيبر وحدثينا

عن حياتكم وعن مواريثنا القديمة 

وقولي كيف كان زمانكم وايه اتغير في زمانا 

♥♥ حبوبة ♥♥يابهجة مواسم ونغمة بتردد صداها

وين مفارقانا ؟؟

وكيف بلاك الدنيا تصبح ؟؟

وين نقابل بسمة صافية ؟؟

ومين حيمسح دمعة ساذجة من مُقلنا ؟

♥♥ حبوبة ♥♥ ياقصب سكرنا يانع

ياحنينة وياجميلة ..

مهما اكتب ومهما ابكي

مابقدر اوفيك حقك

ومهما تتناذف قلوبنا

ديمة نتذكر كلامك

((يابنية كوني زينة وابقي رزينة عشان تكوني ست فريقك))

♥♥ حبوبة ♥♥

ربنا يكتب ليكي جنة وارفة ابدا بي ظلالة..
.

جنة تتمد بي طيبتك يا كريمة ...

رحمك الله رحمة واسعة ياغالية ست الناس