كيف الرجوع

عيون الريد تشيل فرح الصبح بسراع

وتهرب من سمانا بعيد

بتهرب من مدارتنا وما تغشانا حتى شوي

ليه ياسماحة الروح بتبعد عن قلوبنا كمان

وترجع تاني من تاني تقول وينك ياحبيبة الروح

وينك انا الملهوف انا المشتاق

بعد ما اكون بعدتا من متاهاتك رحلتا بعيد

شلتا باقي حنيتي ورفات قلبي

وكمان كم دمعة محفوظة

ارجع كيف وانتا الجاري لي غيري

ارجع كيف وانتا ديمة بعيد عني

وكمان متنكر العرفة بعد مرات

حقيقة الحياة معاك صعبة

والزمن ماشي

بيديني قدر نيتي ويديكَ

سماحة الريدة في الخوة وفي الهمة وفي الود الصبح جوة

حلاوة الريدة في الإيمان بي صباح غادي وصباح مشرق

متل وردة تفرهد عن اساريرة

كمال الريدة في وجة بشوف بالشوفة تحن رؤياة وتعشق فيه الكلمة

عيون مليانة لهفة شوق ونديانة

غمامة صابة في جوف الروح مطهرة بي ريح الفل

وكمان ترجع تقول ارجع